—————————————————
ПРВ ДЕН – Четврток, 24.11.2022 / 19:30ч
—————————————————
1. Создавањето / Португалија / Хозе-Мануел Ксавиер / 2021 / 06’59”

На почетокот имаше бело. Белото над кое лебди духот на авторот. Од белото се раѓа линија и од линијата движењето, од кое авторот создава мноштво форми, инспирирани од маестралното отворање на „Создавањето“ од Џозеф Хајдн, во изведба на Лондонскиот симфониски оркестар, под диригентство на покојниот Сер Колин Дејвис. Библиската креација што го инспирираше музичкото парче овде се спојува со уметничката креација на Хозе Ксавиер, каде што движењето се наметнува како приматот на сите нешта. Преку движењето, авторот и творецот ја одвојува светлината од темнината, преку движењето ги создава својот ден и својата ноќ, го поставува своето небо, ги кореографира своите облаци и еруптира форми кои сугерираат фигури слични на дрво, точки слични на јата птици, контури кои направи видливи суштества од сите видови. Конечно, преку движењето тој ја надува илузијата на животот во неговите цртежи, пренесувајќи ги од апстрактното во конкретното ниво.
2. Гарано / Португалија / Васко Са, Давид Дутел / 2022 / 14’08”

Коњот Гарано е принуден да влече тежок товар под жешкото сонце. Младото момче Жоел открива човек кој сака да ја запали шумата.
3. Момчето покрај прозорецот / Кина / Кс Жанг / 2022 / 03’55”

Секој пат кога момчето ја отвора завесата, неговиот прозорец се поврзува со нечиј друг прозорец.
Дали имаме таков прозорец?
Можеби повторуваме слични приказни.
4. Психографски / Хрватска / Бранко Фарац / 2022 / 07′

Дефрагментацијата на минатото, сликарот, мајката и детето го сочинуваат јадрото на семејството – загубата на мајката доведува до распаѓање на меморијата, а сеќавањата стануваат знаци, ритуално заглавени во бесконечноста. Вештачкиот простор на уметникот го става во судир со неговата околина. Откако ќе потоне во некаква темнина на душата, се втурнува длабоко во себе. Преку фикцијата, постои заедничко духовно искуство во кое тој и детето ја сфаќаат блискоста. Со помош на самата уметност, тој го наоѓа својот пат до помирување. Неговата уметност станува порта за надреален духовен простор во кој тој ја доведува во прашање хуманистичката димензија на сопствената уметност.
5. Краставици / Руска Федерација / Леонид Шмелков / 2021 / 15’43”

Симон е успешен популарен фотограф. Но одеднаш нешто во него, во неговиот живот и работа – ќе се расипе. Сега во сè гледа само краставици. Тој не може да продолжи да живее како порано и се обидува да се справи со своите проблеми
6. Ноќен воз / Франција / Софија Гутман / 2021 / 03′

Млада жена се враќа од работа во големиот ноќен воз, патувајќи до предградието на градот. Осамена, таа гледа во напуштениот пејзаж. Една случајна средба ќе ја направи оваа ноќ незаборавна.
7. Помеѓу / Грција / Ефи Папа / 2022 / 06’48”

Три различни ликови, фатени во френетична секојдневна јамка во потрага по времето. Никогаш не го наоѓате вистинскиот момент за јадење, преминување улица или одење во тоалет – сè додека времето наеднаш не замрзне. Кратка интроспекција инспирирана од пандемиските затворања
8. Вечера / Унгарија / Даниел Барани / 2022 / 14’51”

За време на семејната вечера, угнетените членови на семејството се борат со своите угнетувачи. Битката за доминација води до монструозен исход.
9. Со негова милост / Германија / Кристоф Бутнер / 2022 / 11’50”

Една вечер директорот на затворот му објавува на осуденик дека следниот ден ќе биде погубен. Како за чудо, подоцна во ноќта вратата на ќелијата се отвора. Исцрпен од бескрајните испрашувања, осуденикот се бесцелно талка низ темните затворски ходници. Во неговата одисеја за да ја добие слободата, се соочува со повеќе различни ментални состојби: неговиот страв да биде откриен, неговата надеж за спас и моменти на чиста лудост.
10. Што се однесува до нас / Италија / Симоне Маси / 2022 / 05′

Историјата тече, темнината ни ја навлажнува облеката.
11. Жртвен зајак / Кина / Чиан Чен / 2022 / 04’30”

Сосема случајно, Киан присуствува на тренинг камп за продажба според пирамидална шема. Таму доживува тридневно перење на мозокот – кажано ѝ е дека може да добие здрав живот преку нивните производи. Таа глуми дека е измамена, за да стане една од нив и да ја набљудува интеракцијата помеѓу измамникот и измамениот од перспективата на случаен набљудувач.
12. Цел на животот / Австралија / Џек Џејмс Пари / 2022 / 03′

Не дозволувај предметите во твојот живот да станат… целта на твојот живот!
„Цел на животот“ е разиграна приказна за опасностите од целењето кон материјалните цели во животот.
Тешка битка е… но кон што води?
13. Побудален / Унгарија / Блаж Турај / 2022 / 14’08”

Откако ги губи неговата свршеница и својот убав изглед во страшна несреќа, Клајд мора да се соочи со својот внатрешен демон
—————————————————
ВТОР ДЕН – Петок, 25.11.2022 / 19:30ч
—————————————————
1. Бришачот на шофершајбната / САД, Шпанија / Алберто Миелго / 2021 / 08’06”

Во кафуле додека пуши цела кутија цигари, еден маж гп поставува амбициозното прашање: „Што е љубов?“
Збирка вињети и ситуации ќе го доведат мажот до посакуваниот заклучок.
2. Мојот тигар / Франција / Жан-Жан Арну / 2022 / 14’10”

Г-дин K работи за „Пастагел“, чудесен производ кој ја одржува вашата коса совршено мазна и сјајна во текот на целиот ден. Г-дин К се обидува да биде уреден, но неговата коса е бунтовна и не останува на своето место, можеби исто како него?
3. Благодарам за твоите заби / Романија / Џорџ ве Ганеард, Хорија Кукута / 2020 / 02’30”

Шестгодишниот Џош, дете кое живее со својата мајка и сестра, открива дека за секој изгубен заб добива по 50 денари. Прави брза пресметка и сфаќа дека устата му вреди колку цел велосипед.
4. Куклена приказна / Кореја / Парк Се Хонг / 2022 / 14’30”

Овие денови, во дигиталната ера, аналогните анимации полека исчезнуваат. Рачно изработената анимација постепено се намалува. Секако, тоа е ефикасен и природен резултат. Сепак, сè уште има некој некаде кој произведува аналогни анимации. И ова е нивната приказна.
5. Оддалечување / Франција / Габриел Хено Лефевр / 2022 / 14’00”

Во санаториум покрај морето, животот на еден старец целосно се менува со доаѓањето на галеб, кој тој деликатно го скротува. Кога галебот ќе се повреди, мажот се грижи за него и за кратко време повторно се враќа во детството.
6. Воен херој / Босна и Херцеговина / Берин Тузлиќ / 2021 / 06’31”

Овој филм е дефиниција за тоа што всушност е воен херој. Трогателно и отрезнувачки.
7. Шекспир за сите генерации / Германија / Ханес Рал / 2022 / 02’42”

Делата на Шекспир се безвременски – овој филм го докажува тоа!
8. Среќен човек / Швајцарија / Клод Лујет / 2022 / 07’50”

Еден човек игра и победува. Пресреќен е. Но… со различен играч следува различна игра и различен победник. Природата го покажува своето присуство. На крајот, пофалба за бавноста
9. Куртиот Антонио / Шпанија / Маријана Гереиро Фереира, Еудалд Рохас Луис / 2021 / 08’06”

Антонио е заглавен во својата рутина. Ноќе, тој работи во фабрика за рециклирање, а преку ден останува со своето семејство со кое навистина не се согласува. Еден ден, додека работи, тој открива дека може да почне да донесува одлуки за својот живот и да го промени по своја волја.
10. Сечкање струганици / ОК / Рита Атаиде Новаис, Ализе Сотело / 2022 / 03’23”

Која е точката на кршење на масата од ИКЕА под тежината на пријателство што се распаѓа? Кубистчи краток филм за двајца пријатели, изгубена маса и нејзина замена
11. Чимборазо / Шпанија / Кеила Цепеда / 2022 / 07’17”

Собирачите на мраз на Чимборазо долго време се подложени на немилост на вулканот, кој се наоѓа на еквадорските Анди – па тие кршат дел од мразот за да ги обезбедат своите луѓе. Во денешно време, тоа би било занимање на работ на истребување да не бил Балтазар Ушца, кој и покрај својата возраст, секој ден со часови оди до глечерот Чимборазо за да добие големи блокови мраз кои подоцна ги продава во најблискиот град.
12. 21-виот маж на Вера / Русија / Екатерина Куричева / 2022 / 05’53”

Вера е сама жена со сомнително минато. Таа оди на состанок со нов маж, кој ја чека на локалната железничка станица. Нејзиниот сон е на пат да се оствари
13. Бакнувај и уживај / САД / Оливија Џенсен / 2022 / 07’46”

На враќање кон дома од прекрасен состанок во кафуле, една жена наоѓа потсетници за нејзиниот состанок во секоја ситница. Ова ја поттикнува да се заљуби во зимската ноќ во Чикаго околу неа и да сонува за поинаков крај на состанокот.
—————————————————
ТРЕТ ДЕН – Сабота, 26.11.2022 / 19:30ч
—————————————————
1. Малиот бељаџија / Франција / Жил Кувелие / 2021 / 13’56”

Поетско сведоштво за едно семејство кое го преминува времето и просторот кон ритамот на неконтролираните кризи на најмладите.
2. Сиера / Естонија / Сандер Јон / 2022 / 15′

Татко и син му ја губат трката со автомобили. За да победат, едно момче се претвора во автомобилска гума. Приказна инспирирана од детството на режисерот, Сиера не вовлекува во надреалниот свет на трки со автомобили.
3. Г-дин Пит и железниот коњ / Швајцарија / Килијан Вилим / 2021 / 07’35”

Вредниот војник г-дин Пит прави сè за да ги исполни високите стандарди на неговата бароница. За да ја задоволи нејзината ненаситна страст за брзина, тој лудо се фрла на работата со лопати на патувањето на нејзиниот нов железен коњ.
4. Црвен зајак / Ирска / Рори Кер / 2022 / 04’50”

Антропоморфниот зајак се бори да најде мир и релаксација дома. Овие обиди се спречени од деструктивниот ѓавол на неговото рамо, кој се радува во уништувањето на секоја шанса за спокојство
5. Пауза / Унгарија / Река Бучи / 2022 / 04’50”

Повторливо мирно движење, истражување на визуелната слика за себе. Проекција на ментални слики, кои се формираат додека се слуша музика. Од едноставниот чин на цртање линија, до сложеното движење и сложената структура на анимацијата која е способна самостојно да се генерира.
6. Ноќ на гробиштата / Грција / Стелиос Полихронакис / 2021 / 11’20”

На медитеранскиот остров Крит, Марија секој петок оди на гробиштата за да го чува гробот на својот сакан сопруг. Кога ќе се расипе автобусот што ја враќа од таму, таа ќе биде принудена да преноќи меѓу надгробните споменици.
7. Суруаика / Романија / Влад Иличевичи, Раду Ц Поп / 2022 / 09’10”

Кипу е луксузен возач во мрачен град, каде што улиците се полни со автомобили и црни мачки. Откако случајно го прегазува целото семејство на малата мачка наречена Суруаика, Кипу ја посвојува и прави сè што може за да ја заштити. Како што расте љубовта на Кипу кон Суруаика, расте и нејзиното тело, а улиците стануваат сè пополни со црни мачки, нови жртви за безброј мали трагедии.
8. План за љубов / Франција / Клер Сичез / 2021 / 15′

По 20 години заеднички живот, Карин, Фабрис и нивниот син Симон имаат добро уреден секојдневен живот. Додека Карин е ограничена на домашни работи, Фабрис го поминува своето време гледајќи телевизија. Секој во различен простор, нивните погледи веќе не се среќаваат.
9. Почеток / САД / Тристан Килмер / 2021 / 07’06”

Еден клон одлучува дека сака да биде повеќе од само уште едно лице во толпата.
10. Ранец / Иран / Афсане Азизмохамади / 2022 / 05’48”

Една млада жена е вознемирена од општеството во кое живее. На крај, таа смислува свој креативен начин како да се соочи со тоа.
11. Проектиран град / Јапонија / Исаку Канеко / 2022 / 11’34”

Човекот Лупа талка низ разурнатиот град. Еден ден го привлекува фотографија од прекрасен град. Кога се обидува да ја види, случајно ја запалува фотографијата, бидејќи светлината поминунва низ неговиота леќа. Во меѓувреме, во величествениот театар на врвот на планината, тајното друштво на луѓето Проектори прават голем план да го вратат градот со помош на конвексната леќа од човекот Лупа. Ова е настан кој се случи преку ноќ.
12. Туѓинец / Кина / Шо Лу / 2022 / 02’10”

Магијата помеѓу „сликите“ делува на глина, масата станува контрадикторен предмет кој може да биде мек и тврд. На некои луѓе им се допаѓа тоа, на други не. На ова место нема разлика помеѓу супериорен и инфериорен или правилно или погрешно, туку како се соочуваме со светот.
13. Добра ноќ г-дин Тед / Аргентина / Николас Соле Алињани / 2021 / 10’45”

Секоја вечер, кога детето спие мирно, неговото плишано мече мора да се бори со чудовиштето во плакарот за да не го однесе. На крајот, повредите и истрошеноста на Теди си го прават своето, а тој е заменет со друга нова играчка. Оттогаш тој шета по градските улици, напуштен.