Данскиот анимиран филм „Ништо не се случува“ победник на осмиот Анимакс

on
Златна Тула – „Ништо не се случува“

Скопје, 02.12.2018 – Златната Тула за најдобар анимиран филм на осмото издание на Анимакс Скопје Фест ја понесе данскиот филм „Ништо не се случува“ на авторката Мишел Кранот. Со втора награда (Сребрена Тула) се закити белгискиот филм „Гну“ од Николас Кепенс и Матијас Флипс, додека Бронзената Тула ја доби естонискиот филм „Музеј“ од Аги Пак Ји Ли.

Сребрена тула – „Гну“

Специјални награди добија македонскиот филм „Кружно патување на монахот“ на Жарко Иванов и бугарскиот филм „Грда Сказна“ на Радостина Нејкова за техника на анимација.

Детската публика го изгласа филмот „Гено“ од Грузија на Дато Кикнавелизе за најдобар детски филм на Анимакс #8.

Бронзена тула – „Музеј“

За наградите одлучуваше меѓународната жири комисија во состав Ана Недељковиќ (Србија), проф. д-р.Надежда Маринчевска (Бугарија) и Гоце Цветановски (Македонија).

На четирите фестивалски денови на Анимакс Скопје Фест беа прикажани 50 краткометражни анимирани филмови и 12 анимирани филмови за деца во официјална конкуренција. Тие беа избрани од пријавените рекордни 3.234 анимации од 83 земји во светот, меѓу кои најголем број од САД, Англија и Франција, но и од Германија, Индија, Иран, Шпанија, Русија, Бразил и други.

Geno
Награда од детска публика – „Гено“

На фестивалот беа одржани и 2 работилици за деца под наслов „Двајца се караат, сите губат„ и „Добар, лош, грд, убав, се се тоа карактери“. На работилниците учествуваат околу 100 деца.

Специјална награда – „Кружното патување на монахот“

Настанот се одржа од 29 ноември до 2 декември под мотото „Не понекогаш. Засекогаш“ во Кинотека на Македонија. Анимакс Скопје Фест е во организација на продуцентската куќа Аурипигмент, во соработка со филмското училиште Тинтири-Минтири од Скопје, со поддршка од Агенција за филм на Република Македонија и Град Скопје, и во соработка со Кинотека на Македонија.

Специјална награда – „Грда сказна“

Анимакс Скопје Фест е прв и единствен фестивал на анимиран филм во Македонија. Цел на фестивалот е подигање и градење на културата во поглед на изработка на анимирани филмови за возрасни и деца, кои презентираат различни аспекти од секојдневниот живот.

Leave a Reply

Your email address will not be published. Required fields are marked *